129۔ اس فیصلے میں میرا اگر نام آئے گا

تبصرہ بھیجیں اگست 23, 2016اگست 23, 2016 198 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ203

اس فیصلے میں میرا اگر نام آئے گا

تہمت لگے گی تم پہ بھی الزام آئے گا

اس کو علامتوں کی ضرورت نہیں رہی

اب کے وہ آئے گا تو سرِ عام آئے گا

کب تک رہے گی خلقِ خدا اس کی منتظر

کوئی تو آسمان سے پیغام آئے گا

سائے کی طرح ہر کوئی دیوار گیر ہے

وہ جائے گا تو خلق کو آرام آئے گا

خوشبو پہن کے نکلی ہے آواز عہد کی

لگتا ہے کوئی صاحبِ الہام آئے گا

آواز آ رہی ہے یہی آسمان سے

اب طائرِ زمیں نہ تہِ دام آئے گا

مجھ ہی سے اس کی خط و کتابت ہے آجکل

آئے گا اس کا خط تو مرے نام آئے گا

مضطرؔ کو جلنے دیجیے فرقت کی آگ میں

پتھر پگھل گیا تو کسی کام آئے گا

چوہدری محمد علی مضطرؔعارفی

http://urdu.goldenpoems.com/