379۔ یاد کی مَے ہے اور پی سی ہے

تبصرہ بھیجیں جولائی 4, 2016جولائی 4, 2016 125 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ549

یاد
کی مَے ہے اور پی سی ہے

چشمِ
ساقی جھکی جھکی سی ہے

تم
کو پایا تو پا لیا سب کچھ

تم
کو پا کر بھی کچھ کمی سی ہے

ہم
بھی احباب سے نہیں ہیں خوش

ان
کو بھی ہم سے دشمنی سی ہے

کہہ
دیا کیا صبا نے پھولوں سے

رُخ
پہ گلچیں کے برہمی سی ہے

یاد
آئی ہے کوئی بزمِ طرب

پھول
کی آنکھ شبنمی سی ہے

اُٹھیں،
ٹکرائیں، جھک گئیں نظریں

اک
خطا جیسے باہمی سی ہے

گُل
کے سائے میں سو گئی شبنم

نیند
کی گود ریشمی سی ہے

رات
رویا نہ ہو کہیں مضطرؔ

ریگِ
صحرا میں کچھ نمی سی ہے

١٩٤٠

چوہدری محمد علی مضطرؔعارفی

http://urdu.goldenpoems.com/