98۔ ذرادل تھام لو اپنا کہ اک دیوانہ آتا ہے

کلام
محمود صفحہ158

98۔ ذرادل  تھام لو اپنا کہ اک دیوانہ آتا ہے

ذرادل  تھام لو اپنا کہ اک دیوانہ آتا ہے
شرارِ حسن کا جلتا ہوا پروانہ آتا ہے
کمالِ جرأت ِ انسانیت  عاشق دکھاتا ہے
کہ میدانِ بلا میں بس وہی مردانہ آتا
ہے
نگاہِ لطف میری جستجو میں بڑھتی آتی
ہے
ہوں وہ میخوار جس کے پاس خودمیخانہ
آتا ہے
مجھے کیا اس سے گر دنیا مجھے فرزانہ
کہتی ہے
تمنا ہے کہ تم کہہ دو "مرادیوانہ
آتا ہے”
بھڑک اٹھتی ہے پھر شمع ِ جہاں کی روشنی
یکدم
عدم سے سوئے ہستی جب کوئی پروانہ آتا
ہے
مری تو زندگی کٹتی ہے تیری یاد میں
پیارے
کبھی تیری زباں پر بھی مرا فسانہ آتا
ہے
ہزاروں حسرتیں جل کر فنا ہونے کی رکھتا
ہے
ہٹا بھی دیں ذرا فانوس اک پروانہ آتا
ہے
اخبار الفضل جلد 26 ۔ 31دسمبر 1938ء

https://www.facebook.com/urdu.goldenpoems/

اپنا تبصرہ بھیجیں