175۔ ارے مسلم طبیعت تیری کیسی لا ابالی ہے

تبصرہ بھیجیں فروری 16, 2016فروری 16, 2016 129 مناظر 0 پسندیدہ 0 ناپسند

کلام
محمود صفحہ240۔241

ارے
مسلم طبیعت تیری کیسی لا ابالی ہے

ترے
اعمال دنیا سے جدا فطرت نرالی ہے

خدا
کو دیکھ کر بھی تو کبھی خاموش رہتا ہے

کبھی
اس زشت رو کو دیکھ کر اے واہ کہتا ہے

کبھی
اس چشمۂ صافی کے ہمسائے میں بستا ہے

کبھی
اک قطرۂ آب مقطر کو ترستا ہے

کبھی
خروار غلّے کے اٹھا کر پھینک دیتا ہے

کبھی
چیونٹی کے ہاتھوں سے بھی دانہ چھین لیتا ہے

کبھی
آفاتِ ارضی و سماوی سے ہے ٹکراتا

کبھی
لُو بھی جو لگ جائے تو تیرا منہ ہے مرجھاتا

کبھی
کہتا ہے تو اللہ کو کس نے بنایا ہے ؟

کبھی
کہتا ہے رازِ خلقِ دنیا کس نے پایا ہے ؟

کبھی
اللہ کی قدرت کا بھی انکار ہے تجھ کو

کبھی
انسان کی رفعت پہ بھی اصرار ہے تجھ کو

کمالِ
ذات انسانی پہ سو سو ناز کرتا ہے

کبھی
شانِ خداوندی پہ سو سو حرف دھرتا ہے

جو
راحت ہو تو منہ راحت رساں سے موڑ لیتا ہے

مصیبت
ہو تو اس کے در پہ سر تک پھوڑ لیتا ہے

جہانِ
فلسفہ کی علتوں کو چارہ گر ہے تو

مگر
جو آنکھ کے آگے ہے اس سے بے خبر ہے تو

تو
مشرق کی بھی کہتا ہے تو مغرب کی بھی کہتا ہے

مگر
راز درون خانہ پوشیدہ ہی رہتا ہے

سرود
سازو رقص و جامِ انگوری و مے خواری

پھر
اس کے ساتھ تکبیریں بھی ہیں کیسی ہے خودداری؟

اگر
چاہے تو بندے کو خدا سے بھی بڑھادے تو

اگر
چاہے تو کروبی کو دوزخ میں گرادے تو

غلامی
روس کی ہو یا غلامی مغربیت کی

کوئی
بھی نام رکھ لے تو وہ ہے زنجیر لعنت کی

تو
آزادی کا ٹھپہ کیوں غلامی پر لگاتا ہے

غلافِ
فَو ضَوِیَّت لے کے قرآں پر چڑھاتا ہے

یہ
کھیل اضداد کی عرصہ سے تیرے گھر میں جاری ہے

کبھی
ہے مارکس کا چرچا کبھی درسِ بخاری ہے

مسلمانی
ہے پر اسلام سےنا آشنائی ہے

نہیں
ایمان کسبی ، باپ دادوں کی کمائی ہے

کبھی
نعروں پہ تو قرباں کبھی گفتار پر قرباں

مرے
بھولے صنم میں اس ترے کردار پر قرباں

اخبار المصلح جلد 6۔ 25ستمبر1953ء۔ کراچی۔ پاکستان