101۔ زمین جب بھی ہوئی کربلا ہمارے لئے

تبصرہ بھیجیں اکتوبر 20, 2016اکتوبر 20, 2016 278 مناظر 0 پسندیدہ 0 ناپسند

یہ
زندگی ہے ہماری۔ ویراں سرائے کا دیا صفحہ145۔147

زمین جب بھی ہوئی کربلا ہمارے لئے

تو آسمان سے اُترا خدا ہمارے لئے

اُنہیں غرور کے رکھتے ہیں طاقت و کثرت

ہمیں یہ ناز بہت ہے خدا ہمارے لئے

تمہارے نام پہ جس آگ میں جلائے گئے

وہ آگ پھول ہے وہ کیمیا ہمارے لئے

بس ایک لَو میں اسی لَو کے گرد گھومتے
ہیں

جلا رکھا ہے جو اس نے دیا ہما رے لئے

وہ جس پہ رات ستارے لئے اترتی ہے

وہ ایک شخص دُعا ہی دُعا ہمارے لئے

وہ نور نور دمکتا ہوا سا اِک چہرہ

وہ آئینوں میں حیا ہی حیا ہمارے لئے

درُود پڑھتے ہوئے اس کی دید کو نکلیں

تو صبح پھول بچھائے صبا ہمارے لئے

عجیب کیفیتِ جذب و حال رکھتی ہے

تمہارے شہر کی آب و ہوا ہمارے لئے

دیئے جلائے ہوئے ساتھ ساتھ رہتی ہے

تمہاری یاد تمہاری دعا ہمارے لئے

زمین ہے نہ زماں نیند ہے نہ بیداری

وہ چھاؤں چھاؤں سا اک سلسلہ ہمارے
لئے

سخن وروں میں کہیں ایک ہم بھی تھے لیکن

سخن کا اور ہی تھا ذائقہ ہمارے لئے

1985ء

عبید اللہ علیم ؔ

http://urdu.goldenpoems.com/