95۔ چاند جب دیکھا سمندر کے کنارے ہم نے

تبصرہ بھیجیں اکتوبر 22, 2016اکتوبر 22, 2016 224 مناظر 0 پسندیدہ 0 ناپسند

یہ
زندگی ہے ہماری۔ ویراں سرائے کا دیا صفحہ133۔134

چاند جب دیکھا سمندر کے کنارے ہم نے

اور پھیلا دیئے کچھ اپنے کنارے ہم نے

اِک عجب شور مچائی ہوئی تنہائی کے ساتھ

خود میں دُہرائے سمندر کے اشارے ہم
نے

اتنے شفّاف کے تھے روح و بدن آئینہ

اصل کے اصل میں دیکھے تھے نظّارے ہم
نے

رات کیا ٹوٹ کے آئی تھی کہ اُس دامن
سے

جھولیوں بھر لئے آنکھوں میں ستارے ہم
نے

لَوٹ آنے سے ڈریں اور نہ لَوٹیں تو
دُکھیں

وہ زمانے جو ترے ساتھ گزارے ہم نے

کُھلتا جاتا ہے کہ یہ جلوہ گری کس کی
ہے

آئینے سامنے رکھیں ہیں ہمارے ہم نے

1980ء

عبید اللہ علیم ؔ

http://urdu.goldenpoems.com/