83۔ بے دردی سے ربط ہی سارے توڑ لئے متوالوں نے

تبصرہ بھیجیں جون 8, 2016جون 8, 2016 210 مناظر 0 پسندیدہ 0 ناپسند

ہے
دراز دستِ دعا مرا صفحہ257۔258

بے دردی سے ربط ہی سارے توڑ لئے متوالوں
نے

ہجر کی کالی چادر تانی بیچ میں نین
اُجالوں نے

ہم کتنوں کی دید شنید کی لذت سے محروم
ہوئے

”بستی کتنی دور بسالی دل میں
رہنے والوں نے”

ہاتھ اٹھا کے مانگ ہی لیں کچھ اس کی
بھی توفیق نہیں

ایسا چور کیا ہے اپنے خود پالے جنجالوں
نے

دنیا کا ہر ربط، تعلق پاؤں کی زنجیر
بنا

چاہیں بھی تو چھوٹ نہ پائیں یوں جکڑا
ان جالوں نے

مان بہت تھا خود پہ پر بچوں کے آگے
ہار گئے

اپنا تو منہ بند کیا ان کے معصوم سوالوں
نے

یہ دھرتی تو اُن کو بھی احساسِ تحفظ
نہ دے سکی

اپنے خون سے سینچا اِس کو جن ماؤں کے
لالوں نے

میرے دیس کے باسی کس کے آگے جا فریاد
کریں

اِس کو تو لوٹا ہے اِس کے اپنے ہی رکھوالوں
نے

شوخ امنگیں، جذبے، ہمت، روپ، جوانی،
دل کی متاع

کیا بتلائیں کیا کچھ چھینا ہم سےبیتے سالوں
نے

آندھی، بارش، دھوپ، کڑی کٹھنائی سے
محفوظ رہے

جن لوگوں کو ڈھانپ لیا ہے رحمت کے ترپالوں
نے

کلام صاحبزادی امۃالقدوس بیگم م صاحبہ سملہا اللہ