155۔ پاؤ گے کہاں پناہ لوٹ آؤ

تبصرہ بھیجیں اکتوبر 1, 2016اکتوبر 1, 2016 124 مناظر 0 پسندیدہ 0 ناپسند

یہ
زندگی ہے ہماری۔ چاند چہرہ ستارہ آنکھیں
صفحہ105۔106

پاؤ گے کہاں پناہ لوٹ آؤ

گھر ہوگیا ہے تباہ لوٹ آؤ

میری نہیں گر تو اپنی خاطر

لوٹ آؤ دل و نگاہ لوٹ آؤ

تم چاہ میں جس کی مر رہے ہو

اس میں تو نہیں ہے چاہ لوٹ آؤ

تم جب سے گئے ہو چاند میرے

راتیں ہوئیں ہیں سیاہ لوٹ آؤ

تم مل کے بچھڑ گئے ہو جس سے

تکتا ہے تمہاری راہ لوٹ آؤ

کیا ہوگئی زندگی تمہاری

اب اے مرے کج کلاہ لوٹ آؤ

بچھڑے ہوؤں کا پھر سے ملنا

ایسا بھی نہیں ہے گناہ لوٹ آؤ

1969ء

عبید اللہ علیم ؔ

http://urdu.goldenpoems.com/