15۔ منظور ہے گزارِشِ اَحوالِ واقعی ۔ اپنابیان حُسنِ طبیعت نہیں مجھے

تبصرہ بھیجیں مئی 25, 2016مئی 25, 2016 135 مناظر 0 پسندیدہ 0 ناپسند

بخار
دل صفحہ56۔58

15۔
منظور ہے گزارِشِ اَحوالِ واقعی ۔ اپنابیان
حُسنِ طبیعت نہیں مجھے

جامِ جہاں نُما ہے شہنشاہ کا ضمیر

نام اور پتا بتانے کی حاجَت نہیں مجھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میرے مُرشِد نے سرِ مجلسِ احباب اِک
دن

میرے بارے میں کچھ اس طرح سے اِرشاد
کیا

”اس کی باتوںسے ٹپکتی ہے مَحبت
ایسی

ہم سمجھتے ہیں کہ ہے آدمی یہ بھی اچھا”

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میں بھی سُنتا تھا کہیں پاس کھڑا یہ
تقریر

کیا بتاؤں جو مرا حال نَدامت سے ہوا

دِل کو دیکھا تو نہ تھی اس میں ذرا
بھی گرمی

ایک رَتی بھی مَحبت جو ہو، حاشا کلاّ

سارے خانے تھے بھرے کُفر سے اور عِصیاں
سے

کوئی تقویٰ نہ تھا’ اِخلاص نہ تھا’
نُور نہ تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مجھ کو خود اپنے سے آنے لگی عار اور
نفرت

دیکھ کر ظاہِر و باطِن کو خراب اور
گندا

آہ! کرتا رہا میں کیسی مُلَمَّع سازی

جِنس کھوٹی تھی جسے کر کے دکھایا اچھا

تجھ پہ افسوس ہے اے َنَفسِ دَنی و ظالِم

تو نے دھوکا بھی کیا جا کے تو مُرشِد
سے کیا؟

یہ تِرا مکر، یہ تَلبِیس، خدا خیر کرے

نفسِ اَمّارہ مِرے تونے یہ اچھا نہ
کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اب مناسب ہے کہ کر دے تو ابھی گوش گُزار

میرے آقا! مرے ظاہِر پہ نہ جانا اَصلا

اپنی تاریکئ باطِن پہ ہوں مَیں آپ گواہ

عالِمُ الغیب ہے یا واقِفِ اَسرار مِرا

پاس پھٹکیں نہ مِرے دوست بھی گِھن کے
مارے

گر حقیقت کا ذرا ان کو دکھا دوں چہرہ

نِیَّت و خُلق و عَمَل اور یقین و ایماں

منہ پہ لانے سے ان الفاظ کو آتی ہے
حیا

کاتِبِ قول و عمل ہیں جو فرشتے، وہ
بھی

کُفر و شوخی کو مِری دیکھ کے اُٹھے
تَھرّا

حسن ظنّی کا لیا آپ نے لارَیب ثواب

لیکن اس دِل پہ لگایا ہے یہ کیسا چرکا

چین دن کو ہے مجھے اور نہ شب کو آرام

تُم نے سمجھا مجھے کیا اور میں نِکلا
کیسا

ہے یہ آدابِ اِرادت کے مُخالِف بالکل

ایسی باتوں میں رہے آپ کا میرا پردہ

سَیِّدی اَنْتَ حبیبی و طبِیبِ
قَلَبی

سخت لاچار ہوں لِلّٰہ مداوا میرا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اے مِرے مُرشدِ کامِل، اے مِرے راہ
نما

آپ کو حق کی قسم، کیجئے حق سے یہ دُعا

نیک ظنّی کو مُبَدَّل بہ حقیقت کر دے

لاج رکھتاہے پیاروں کے کہے کی مولا

ما سِوَی اللہ سے کر دے مرا سینہ خالی

حُبِّ دنیا کو مِرے نَفس پہ کر دے ٹھنڈا

معرِفت دِل کو ملے رُوح کو نورِ ایماں

ذرّے ذرّے میں مِرے عشق رَچا دے اپنا

کِرم خاکی کو اگر چاہے تو انساں کر
دے

میرا مولیٰ مِری بگڑی کا بنانے والا

مُستَحِق گرچہ نہ ہوں لُطف و کرم کا’
لیکن

کچھ بھی ہوں، کوئی بھی ہوں، ہوں تو
اُسی کا بندہ

حشر میرا شہِ خُوباں کی رفاقت میں ہو

اور دائم رہے اِس ہاتھ میں دامن اُن
کا

مابدیں مقصدِ عالی نتوا نیم رسید

ہاں مگر لُطفِ شما پیش نہد گامے چند

مطبوعہ الفضل 14اگست 1924ء

http://urdu.goldenpoems.com/

http://urgoldenpoems.blogspot.com/

https://www.facebook.com/urdu.goldenpoems/

15۔ منظور ہے گزارِشِ اَحوالِ واقعی ۔ اپنابیان حُسنِ طبیعت نہیں مجھے

15۔
منظور ہے گزارِشِ اَحوالِ واقعی ۔ اپنابیان
حُسنِ طبیعت نہیں مجھے

اپنا تبصرہ بھیجیں جواب منسوخ کریں

آپکا ای میل ایڈریس شائع نہیں کیا جائے گا