24۔ میں نے جس دن سے ہے پیارے ترا چہرہ دیکھا

تبصرہ بھیجیں مارچ 20, 2016مارچ 20, 2016 175 مناظر 0 پسندیدہ 0 ناپسند

کلام
محمود صفحہ45

میں نے جس دن سے ہے پیارے ترا چہرہ
دیکھا

پھر نہیں اور کسی کا رخِ زیبا دیکھا

سچ کہوں گا کہ نہیں دیکھی یہ خوبی ان
میں

چہرۂ یوسف و اندازِ زلیخا دیکھا

خاک کے پتلے تو دنیا میں بہت دیکھے
تھے

پر کبھی ایسا نہ تھا نور کا پُتلا دیکھا

جب کبھی دیکھی ہیں یہ تیری غزالی آنکھیں

میں نے دنیا میں ہی فردوس کا نقشہ دیکھا

تیرے جاتے ہی ترا خیال چلا آتا ہے

تیرے جانے میں بھی آنے کا تماشہ دیکھا

تیری آنکھوں میں ہے دیکھی ملک الموت
کی آنکھ

ہم نے ہاتھوں میں ترے قبضہ قضا کا دیکھا

مشتری بھی ہے ترا مشتری اے جانِ جہاں

اس نے جس دن سے ہے تیرا رخ ِ زیبا دیکھا

اپنی آنکھوں سے کئی بار ہے سورج کا
بھی

پِتّہ الفت میں تری میں نے پگھلتا دیکھا

دیکھ کر اس کو ہیں دنیا کے حسیں دیکھ
لئے

کیا بتاؤں کہ ترے چہرہ میں ہے کیا دیکھا

تیری غصہ بھری آنکھوں کو جو دیکھا
میں نئے

حورکی آنکھ میں دوزخ کا نظارا دیکھا

ہلتے دیکھا جو کبھی تیرا ہلال ِابرو

پارہ ہائے جگرِ شمس کو اڑتا دیکھا

ظلم کرتے ہو جو کہتے ہو شفق پھولی ہے

تم نے عاشق کا ہے یہ خونِ تمنا دیکھا

اخبار بدر جلد 8۔ 25فروری 1909ء

http://urdu.goldenpoems.com/