79۔ مرے ہمراز بے شک دل محبت کا ہے پیمانہ

تبصرہ بھیجیں مارچ 11, 2016مارچ 11, 2016 127 مناظر 0 پسندیدہ 0 ناپسند

کلام
محمود صفحہ130۔131

مرے ہمراز بے شک دل محبت کا ہے پیمانہ

ہے اس کا حال رندانہ تواس کی چال مستانہ

مئے جاں بخش بٹتی ہے جہاں ہے یہ وہ
میخانہ

مگر وہ کیا کرے جس کا دل ہو جائے ویرانہ

نظر آئیں تمنّاؤں کی چاروں سمت میں
قبریں

مرے ہمراز کہتے ہیں کہ اک شے نور ہوتی
ہے

جب آتی ہے تو تاریکی معاً کافور ہوتی
ہے

علاجِ رنج و غم ہائے دلِ رنجور ہوتی
ہے

طبیعت کتنی ہی افسردہ ہو مسرور ہوتی
ہے

مگر ہم کیا کریں جن کے کہ دن بھی ہو
گئے راتیں

مرے ہم راز آنکھیں بھی خدا کی ایک نعمت
ہیں

ہزاروں دولتیں قربان ہوں جس پر وہ دولت
ہیں

بِنائے جسم میں سچ ہے بابِ علم و حکمت
ہیں

مثالِ خضر ہم راہِ طلب گارِ زیارت ہیں

مگر وہ منہ نہ دکھلائیں تو پھر ہم کیا
کریں آنکھیں

وہ خوش قسمت ہیں جو گر پڑ کے اس مجلس
میں جا پہنچے

کبھی پاؤں پہ سر رکھا کبھی دامن سے
جا لپٹے

غرض جس طرح بن آیا مطالب اُن سے منوائے

مرے ہم راز !پر وہ پر شکستہ کیا کریں
جن کے

ہوا میں اڑ گئے نالے ،گئیں بیکار فریادیں

بجا ہے ساری دنیا میں اک لفظِ میں کا
ہے نشہ

جدھر دیکھو چمک اس کی جدھر دیکھو ظہور
اس کا

مرے ہم راز سب دنیا کا کام اس”
مَیں” پہ ہے چلتا

مگر مَیں بھی تبھی ہوتی ہے جب ہو سامنا
تُو کا

بھلا وہ کیا کریں” میں "کو
جو ان کی یاد سے اُتریں

دلِ مایوس سینہ میں اندھیرا چاروں جانب
میں

نہ آنکھیں ہیں کہ رہ پائیں نہ پَر ہیں
جن سے اُڑ جائیں

نہ احساسِ انانیت کہ اس کے زور سے پہنچیں

مرے دِلدار ہم پر بند ہیں سب وصل کی
راہیں

سِوااس کے کہ اب خود آپ ہی کچھ لُطف
فرمائیں

ہمارے بے کسوں کا آپ کے بِن کون ہے
پیارے

نظر آتے ہیں مارے غم کے اب تو دِن کو
بھی تارے

نہیں دِل اپنے سینوں میں دھرے ہیں بلکہ
انگارے

پُھنکے جاتے ہیں سَر سے پاؤں تک ہم
ہجر کے مارے

بس اب تو رحم فرمائیں چلے آئیں چلے
آئیں

اخبار الفضل جلد 14 ۔ 28ستمبر1926ء

http://urdu.goldenpoems.com/