133۔ میں جب بھی سرِ دیدۂ تر گیا

تبصرہ بھیجیں اگست 22, 2016اگست 22, 2016 219 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ208

میں جب بھی سرِ دیدۂ تر گیا

نہاں خانۂ دل سے ہو کر گیا

ہوئے جب سے ہم آہٹوں کے اسیر

وہ سننے سنانے کا چکر گیا

اندھیروں کے انجام کو دیکھنے

سرِ چشم تاروں کا لشکر گیا

ستارے ستاروں سے ٹکرا گئے

خلاؤں کا دل شور سے بھر گیا

سبھی راستے دشت میں رہ گئے

مَیں خود دشت کے پار اکثر گیا

سرِ دار کوئی صدا تھی نہ شور

تو کیوں اپنی آواز سے ڈر گیا

میں بیٹھا رہا دل کی دہلیز پر

نہ باہر رُکا مَیں، نہ اندر گیا

وہ صدیوں سے اس گھر میں آباد ہے

ابھی چاند کھڑکی سے باہر گیا

ازل آرزوؤں کی دیوار پر

جو بیٹھا ہؤا تھا کبوتر گیا

وہ پھر آ گئی زندگی راہ پر

وہ پھر ان کے ہاں آج مضطرؔ گیا

چوہدری محمد علی مضطرؔعارفی

http://urdu.goldenpoems.com/