107۔ دل ہی تھے ہم دکھے ہوئے تم نے دکھا لیا تو کیا

تبصرہ بھیجیں اکتوبر 18, 2016اکتوبر 18, 2016 249 مناظر 0 پسندیدہ 0 ناپسند

یہ
زندگی ہے ہماری۔ ویراں سرائے کا دیا صفحہ153۔154

دل ہی تھے ہم دُکھے ہوئے تم نے دُکھا
لیا تو کیا

تم بھی تو بے اماں ہوئے ہم کو ستا لیا
تو کیا

آپ کے گھر میں ہر طرف منظر ِ ماہ و
آفتاب

ایک چراغِ شام اگر میں نے جلا لیا تو
کیا

باغ کا باغ آپ کی دسترسِ ہوس میں ہے

ایک غریب نے اگر پھُول اٹھا لیا تو
کیا

لُطف یہ ہے کہ آدمی عام کرے بہار کو

موجِ ہوائے رنگ میں آپ نہالیا تو کیا

اب کہیں بولتا نہیں غیب جو کھولتا نہیں

ایسا اگر کوئی خدا تم نے بنا لیا تو
کیا

جو ہے خدا کا آدمی اُس کی ہے سلطنت
الگ

ظلم نے ظلم سے اگر ہاتھ ملا لیا تو
کیا

آج کی ہے جو کربلا کل پہ ہے ا ُس کا
فیصلہ

آج ہی آپ نے اگر جشن منا لیا تو کیا

لوگ دکھے ہوئے تمام رنگ بجھے ہوئے تمام

ایسے میں اہلِ شام نے شہر سجا لیا تو
کیا

پڑھتا نہیں ہے اب کوئی سنتا نہیں ہے
اب کوئی

حرف جگا لیا تو کیا شعر سنا لیا تو
کیا

1986ء

عبید اللہ علیم ؔ

http://urdu.goldenpoems.com/