77۔ ملے ہو تم تو بچھڑ کر اداس مت کرنا

تبصرہ بھیجیں اکتوبر 28, 2016اکتوبر 28, 2016 215 مناظر 0 پسندیدہ 0 ناپسند

یہ
زندگی ہے ہماری۔ ویراں سرائے کا دیا صفحہ99۔100

ملے ہو تم تو بچھڑ کر اداس مت کرنا

کسی جدائی کی ساعت کا پاس مت کرنا

محبتیں تو خود اپنی اساس ہوتی ہیں

کسی کی بات کو اپنی اساس مت کرنا

کہ برگ برگ بکھرتا ہےپھول ہوتے ہی

برہنگی کو تم اپنا لباس مت کرنا

بلند ہو کہ ہی ملنا جہاں تلک ملنا

اس آسماں کو زمیں پر قیاس مت کرنا

جو پیڑ ہو تو زمیں سے ہی کھینچنا پانی

کہ ابر آئے گا کوئی یہ آس مت کرنا

یہ کون لوگ ہیں کیسے یہ سربراہ ہوئے

خدا کو چھوڑ کر ان کے سپاس مت کرنا

1978ء

عبید اللہ علیم ؔ

http://urdu.goldenpoems.com/