2۔ پڑھ لیا قرآن عبد الحیٔ نے

تبصرہ بھیجیں مارچ 23, 2016مارچ 23, 2016 327 مناظر 0 پسندیدہ 0 ناپسند

کلام
محمود صفحہ2

پڑھ لیا قرآن عبد الحیٔ نے

خوش بہت ہیں آج سب چھوٹے بڑے

ایسی چھوٹی عمر میں ختمِ قرآں

کم نظیریں ایسی ملتی ہیں یہاں

مولوی صاحب مبارک آپ کو

اور عبد الحیٔ کے استاد کو

جس نے محنت کی شب و روز اسکے ساتھ

اور پڑھایا اس کو قرآں ہاتھوں ہاتھ

صد مبارک مہدی ءمسعود کو

کیوں خوشی سب سے نہ بڑھ کر اس کو ہو

جس کی سچائی کا ہے یہ اک نشاں

جانتا ہے بات یہ سارا جہاں

اے خدا تُو نے جو یہ لڑکا دیا

کر اسے سب خوبیاں بھی اب عطا

یا الھٰی ! عمر طبعی اس کو دے

رکھ اسے محفوظ رنج و درد سے

ہو یہ سرشار الفتِ دیں میں مدام

رکھ اسے کونین میں تو شاد کام

خوف سے تیرے رہے دل پر خطر

پہنچے اس کو اھلِ دنیا سے نہ شر

مہربانی کی تُو اس پہ رکھ نظر

کر عنایت اس پہ تُو شام و سحر

دین و دنیا میں بڑا ہو مرتبہ

عمر و صحت بھی اسے کر تو عطا

تیرا دلدادہ ہو دیں پر ہو فدا

ہو یہ عاشق احمد ؐمختار کا

غیرت دینی ہو اس میں اس قدر

واسطے دیں کے ہو یہ سینہ سپر

ہے مری آخر میں یہ، یا رب دعا

سایہ رکھ اس پر تو اپنے فضل کا

یہ نظم حضرت خلیفۃ المسیح الاول رضی اللہ عنہ کے صاحبزادہ میاں عبد الحی کی تقریب
ختمِ قرآن کے موقع پر لکھی گئی۔

اخبار الحکم جلد 9 ۔ 30جون 1905ء

http://urdu.goldenpoems.com/