34۔ نوروں نہلائے ہوئے قامتِ گلزار کے پاس

تبصرہ بھیجیں نومبر 19, 2016نومبر 19, 2016 244 مناظر 0 پسندیدہ 0 ناپسند

یہ
زندگی ہے ہماری۔ نگارِصبح کی اُمید میں صفحہ79۔80

نوروں نہلائے ہوئے قامتِ گلزار کے پاس

اِک عجب چھاؤں میں ہم بیٹھے رہے یار
کے پاس

اس کی ایک ایک نگہ دل پہ پڑی ایسی کہ
بس

عرض کرنے کو نہ تھا کچھ لبِ اظہار کے
پاس

یوں ہم آغوش ہوا مجھ سے کہ سب ٹوٹ گئے

جتنے بھی بت تھےصنم خانۂ پِندار کے پاس

تم بھی اے کاش کبھی دیکھتےسنتے اس کو

آسماں کی ہے زباں یارِ طرحدار کے پاس

یہ محبت تو نصیبوں سے ملا کرتی ہے

چل کے خود آئے مسیحا کسی بیمار کے پاس

یونہی دیدار سے بھرتا رہےیہ کاسۂ دل

یونہی لاتا رہےمولا ہمیں سرکار کے پاس

پھر اسے سایۂ دیوار نے اٹھنے نہ دیا

آکے اک بار جو بیٹھا تیری دیوار کے
پاس

تجھ میں ایک ایسی کشش ہے کہ بقولِ غالبؔ

خود بخود پہنچے ہے گل گوشۂ دستار کے پاس

تیرا سایۂ رہے سر پر تو کسی حشر کی
دھوپ

سرد پڑ جائے جو آئے بھی گنہگار کے پاس

تو اگر خوش ہے یہاں مجھ سے تو پھر حشر
کے دن

ایک تیری ہی شفاعت ہو گنہگار کے پاس

1992ء

عبید اللہ علیم ؔ

http://urdu.goldenpoems.com/