18۔ ہم نے کھلنے نہ دیا بے سرو سامانی کو

تبصرہ بھیجیں نومبر 27, 2016نومبر 27, 2016 316 مناظر 0 پسندیدہ 0 ناپسند

یہ
زندگی ہے ہماری۔ نگارِصبح کی اُمید میں صفحہ47۔48

ہم نے کھلنے نہ دیا بے سرو سامانی کو

کہاں لے جائیں مگر شہر کی ویرانی کو

صرف گفتار سے زخموں کا رفو چاہتے ہیں

یہ سیاست ہے تو پھر کیا کہیں نادانی
کو

کوئی تقسیم نئی کر کے چلا جاتا ہے

جو بھی آتا ہے مرے گھر کی نگہبانی
کو

اب کہاں جاؤں کہ گھر میں بھی ہوں دشمن
اپنا

اور باہر مرا دشمن ہے نگہبانی کو

بے حسی وہ ہے کہ کرتا نہیں انساں محسوس

اپنی ہی روح میں آئی ہوئی طغیانی کو

آج بھی اس کو فراز آج بھی عالی ہے
وہی

وہی سجدہ جو کرے وقت کی سلطانی کو

آج یوسف پہ اگر وقت یہ لائے ہو تو
کیا

کل تمہیں تخت بھی دو گےاسی زندانی کو

صبح کِھلنے کی ہو یا شام بکھر جانے
کی

ہم نے خوشبو ہی کیا اپنی پریشانی کو

وہ بھی ہر آن نیا میری محبت بھی نئی

جلوۂ حسن کشش ہے مری حیرانی کو

کوزۂ حرف میں لایا ہوں تمہاری خاطر

روح پر اترے ہوئےایک عجب پانی کو

1993ء

عبید اللہ علیم ؔ

http://urdu.goldenpoems.com/