57۔ آشنا فکریں بھی تھیں اور غم بھی نادیدہ نہ تھے

تبصرہ بھیجیں جون 14, 2016جون 14, 2016 213 مناظر 0 پسندیدہ 0 ناپسند

ہے
دراز دستِ دعا مرا صفحہ195۔196

آشنا فکریں بھی تھیں اور غم بھی نادیدہ
نہ تھے

پر مسائل زندگی کے اتنے پیچیدہ نہ تھے

جسطرح جذبات کا دریا ہے دِل میں موجزن

ایسے تو بپھرے ہوئے طوفاں بھی شوریدہ
نہ تھے

کس لئے نظروں میں یوں برقِ تپاں کی
آگئے

آرزؤوں کے چمن اتنے تو بالیدہ نہ تھے

غیر تو محسوس کیا کرتے بھلا میری کمی

مڑکے دیکھا تو مِرے اپنے بھی نم دیدہ
نہ تھے

عشق کی راہوں پہ چل کر منزلیں سر کر
گئے

جو زمانے کی نگاہوں میں جہاندیدہ نہ
تھے

ہم تو خود اپنی انا کے چکروں میں پھنس
گئے

ورنہ منزل صاف تھی رستے بھی پیچیدہ
نہ تھے

اک نئی لذت سدا اہل نظر پاتے رہے

داستانِ عشق کے اوراق بوسیدہ نہ تھے

وہ تو دَورِ ہجر ہی صدیوں کی کلفت دے
گیا

شورشِ اعداء سے تو ہم لوگ رنجیدہ نہ
تھے

کیا ضروری تھا کہ حرفِ مدّعا ہوتا ادا

میری جاں تم سے مِرے حالات پوشیدہ نہ
تھے

رفتہ رفتہ اُن پہ میری ذات کے جوھر
کُھلے

پہلے تو احباب میرے اتنے گرویدہ نہ
تھے

شوخئ طرزِ تکلّم نے مجھے رسوا کیا

لوگ یہ سمجھے مِرے افکار سنجیدہ نہ
تھے

کلام صاحبزادی امۃالقدوس بیگم م صاحبہ سملہا اللہ