307۔ ہر کوئی شہر بدر لگتا ہے

تبصرہ بھیجیں جولائی 18, 2016جولائی 18, 2016 187 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ456

ہر
کوئی شہر بدر لگتا ہے

اب
تو اس شہر سے ڈر لگتا ہے

دشت
در آیا ہے گھر کے اندر

دشت
اب دشت نہ گھر لگتا ہے

مل
کے آیا ہے کسی منزل سے

راستہ
خاک بسر لگتا ہے

غمِ
جاں کو بھی اُٹھا لے ہنس کر

یہ
ترا زادِ سفر لگتا ہے

راہ
چلتوں سے سنبھل کر ملنا

ان
پہ منزل کا اثر لگتا ہے

صبحِ
صادق ہے یا کوئی آنسو

کچھ
تو اے دیدۂ تر! لگتا ہے

کوئی
گزرا نہ ہو منزل بن کر

راستہ
زیر و زبر لگتا ہے

اَور
بڑھ جاتی ہے لذت اس کی

زخم
جب بارِ دگر لگتا ہے

وہ
جدھر ہاتھ اُٹھا دے مضطرؔ!

شہر
کا شہر ادھر لگتا ہے

چوہدری محمد علی مضطرؔعارفی

http://urdu.goldenpoems.com/