28۔ غزل۔ کیوں نہ ہو حیران تجھ کو دیکھ کر ہر آئینہ

تبصرہ بھیجیں دسمبر 11, 2016دسمبر 11, 2016 233 مناظر 0 پسندیدہ 0 ناپسند

کلامِ
مختار ؔ

کیوں نہ ہو حیران تجھ کو
دیکھ کر ہر آئینہ

توسراپانور کی تصویر ہے ہر
آئینہ

آئینے میں عکس عارض اور رخ
پر آئینہ

آئینہ بر آئینہ ،ہے آئینہ
در آئینہ

سقف و بام آئینہ ،دیوار
آئینہ،درآئینہ

بن گیا عکس ِ رخِ محبوب سے
گھر آئینہ

تیرے رخ کے روبر جب ہے
مکدر آئینہ

پھر پسند آئے ہمیں کیا خاک
پتھر آئینہ

جب سے دیکھی ہے کسی کے
روئے روشن کی جھلک

مہرومہ حیرت زدہ ہیں
اورششدر آئینہ

یوں مرے آئینہ دل میں ہے
یاد ِروئےیار

جلوہ گر جس طرح آئینے کے
اندرآئینہ

سامنے انکے رخ روشن کے سب
بے آب وتاب

شمع محفل ،ماہ انور،مہر
خاور،آئینہ

پوچھئے مجھ سے صفا ؤ
برش تیغ نگاہ

اہلِ جوہر پر ہے حال اہلِ
جوہر آئینہ

جب سے اے مختاؔر یوسف چاہ
میں ڈالے گئے

بھائیوں کا ہوگیا احوال ہم
پر آئینہ

پندرہ روزہ المصلح
16تا30ستمبر،یکم تا 15اکتوبر 1991ء۔الفضل انٹرنیشنل7-13اپریل 1995ء

(حیات حضرت مختار صفحہ308)

حضرت حافظ سید مختار احمد مختار ؔشاہجہانپوری صاحب ؓ