17۔ جب اس کی بدل گئی نگاہیں

تبصرہ بھیجیں نومبر 27, 2016نومبر 27, 2016 341 مناظر 0 پسندیدہ 0 ناپسند

یہ
زندگی ہے ہماری۔ نگارِصبح کی اُمید میں صفحہ45۔46

جب اس کی بدل گئی نگاہیں

شاہوں کو ملی نہیں پناہیں

جب چھاؤں نہ دیں جہاں پناہیں

بانہوں میں سمیٹ لیں وہ بانہیں

دشمن کو خبر نہیں کہ کیا ہیں

یہ اَشک یہ آہ کی سپاہیں

تُو ساتھ نہ دے اگر ہمارا

ہم کیسے یہ زندگی نباہیں

اب کج کلہہِ دو جہاں کے آگے

گرنے کو سروں سے ہیں کلاہیں

آخر ترے پا شکستگاں کو

لے آئیں تری طرف ہی راہیں

اے شخص تُو جان ہے ہماری

مر جائیں اگر تجھے نہ چاہیں

سو بار مریں تو تیری خاطر

سو بار جئیں تو تجھ کو چاہیں

اے شخص کہا ں چلا گیا تُو

آجا کہ ترس گئیں نگاہیں

ہر صاحبِ دل کو نذر ہیں یہ

کچھ اپنی کچھ عہد کی کراہیں

1991ء

عبید اللہ علیم ؔ

http://urdu.goldenpoems.com/