28۔ اے روح قطرۂ قطرۂ پگھل آپ کے لئے

تبصرہ بھیجیں نومبر 22, 2016نومبر 22, 2016 412 مناظر 0 پسندیدہ 0 ناپسند

یہ
زندگی ہے ہماری۔ نگارِصبح کی اُمید میں صفحہ67۔68

اے رُوح قطرہ قطرہ پگھل آپ کےلئے

اے خامہ سیلِ خواب میں چل آپ کے لئے

ہر شعر ما ورائے سخن ہو کچھ اس طرح

اے دل تو لفظ لفظ میں ڈھل آپ کے لئے

اپنے معاملے میں حساب اس کا اور ہے

سو بار اے زبان سنبھل آپ کے لئے

مرتا ہوں آرزو میں کہ اے کاش لکھ سکوں

جیسے ہیں آپ ایسی غزل آپ کے لئے

مانگے ہے جیسے سجدوں میں دل آج آپ
کو

تڑپے سوا یہ آج سےکل آپ کے لئے

اک نشۂ وجود میں پڑھتے رہیں درود

نینوں کے دیپ دل کے کنول آپ کے لئے

دونوں جہاں وہیں ہیں جہاں چھاؤں آپ
کی

اے دل مچل تو صرف مچل آپ کے لئے

اس ظرفِ کائنات پہ کتنے کھلیں گے آپ

جب اس کا ایک دور ہوپل آپ کے لئے

اس دشتِ بے اماں سے نکل آپ کے لئے

اے روحِ کائنات بدل آپ کے لئے

1994ء

عبید اللہ علیم ؔ

http://urdu.goldenpoems.com/