29۔ ہر آن ایک عالمِ خواب ہو کے رہ گیا

تبصرہ بھیجیں نومبر 21, 2016نومبر 21, 2016 207 مناظر 0 پسندیدہ 0 ناپسند

یہ
زندگی ہے ہماری۔ نگارِصبح کی اُمید میں صفحہ69۔70

ہر آن ایک عالمِ خواب ہو کے رہ گیا

اِک شخص موجِ خوں میں شراب ہو کے رہ
گیا

ایسے وہ اک نگاہ ملی،مل کے رہ گئی

پل بھر میں زندگی کا حساب ہو کے رہ
گیا

اک انتہائے شوق میں اس سے کیا سوال

وہ ایسے چپ ہوا کہ جواب ہو کے رہ گیا

جب جب میری نگاہ سےوہ چھو گئی نگاہ

موج حیا سے رنگ گلاب ہو کے رہ گیا

کچھ خواب اپنے گھر کے ہیں کچھ اس کے
خواب ہیں

باقی تمام جیسے عذاب ہو کے رہ گیا

اس گل کی اور ہے مرے دل میں شگفتنی

یوں تو جو آیا دل میں گلاب ہو کے رہ
گیا

میں یہ اٹھاؤں جام کہ میں یہ اٹھاؤں
جام

اس میکدے میں، مَیں تو خراب ہو کے رہ
گیا

پانی کہیں سے لاؤ کوئی آسمان کا

یہ دہر فلسفوں کا سراب ہو کے رہ گیا

کیا تھی محبتوں میں وہ خواہش کہ ناگہاں

اک شخص درمیاں میں حجاب ہو کے رہ گیا

عبید اللہ علیم ؔ

http://urdu.goldenpoems.com/