40۔ تم ایسی محبت مت کرنا

تبصرہ بھیجیں نومبر 14, 2016نومبر 14, 2016 304 مناظر 0 پسندیدہ 0 ناپسند

یہ
زندگی ہے ہماری۔ ویراں سرائے کا دیا صفحہ23۔24

تم ایسی محبت مت کرنا

مرے خوابوں میں چہرہ دیکھو

اور میری قائل ہو جاؤ

تم ایسی محبت مت کرنا

مرے لفظوں میں وہ بات سنو

جو بات لہو کی چاہت ہو

پھر اس چاہت میں کھو جاؤ

تم ایسی محبت مت کرنا

یہ لفظ مرے یہ خواب مرے

ہر چند یہ جسم و جاں ٹھہرے

پر ایسے جسم و جاں تو نہیں

جو اور کسی کے پاس نہ ہوں

پھر یہ بھی تو ممکن ہے ، سوچو

یہ لفظ مرے ،یہ خواب مرے

سب جھوٹے ہوں

تم ایسی محبت مت کرنا

گر کرو محبت تو ایسی

جس طرح کوئی سچائی کی رَوہر جھوٹ کو
سچ کر جاتی ہے

1974ء

عبید اللہ علیم ؔ

http://urdu.goldenpoems.com/