160۔ تیرے پیار میں رسوا ہو کر جائیں کہاں دیوانے لوگ

تبصرہ بھیجیں ستمبر 30, 2016ستمبر 30, 2016 233 مناظر 0 پسندیدہ 0 ناپسند

یہ
زندگی ہے ہماری۔ چاند چہرہ ستارہ آنکھیں
صفحہ115۔116

تیرے پیار میں رسوا ہو کر جائیں کہاں
دیوانے لوگ

جانے کیا کیا پوچھ رہے ہیں یہ جانے
پہچانے لوگ

ہر لمحہ احساس کی صہبا روح میں ڈھلتی
جاتی ہے

زیست کا نشّہ کچھ کم ہو تو ہو آئیں
میخانے لوگ

جیسے تمھیں ہم نے چاہا ہے، کون بھلا
یوں چاہے گا

مانا اور بہت آئیں گے تم سے پیار جتانے
لوگ

یوں گلیوں بازاروں میں آوارہ پھرتے
رہتے ہیں

جیسے اس دنیا میں سبھی آئے ہوں عمر
گنوانے لوگ

آگے پیچھے دائیں بائیں سائے سے لہراتے
ہیں

دنیا بھی تو دشتِ بلا ہے، ہم ہی نہیں
دیوانے لوگ

کیسے دُکھوں کے موسِم آئے کیسی آگ لگی
یارو

اب صحراؤں سے لاتے ہیں پھولوں کے نذرانے
لوگ

کل ماتم بے قیمت ہو گا، آج اِن کی توقیر
ہو گا

دیکھو خونِ جگر سے کیا کیا لکھتے ہیں
افسانے لوگ

1964ء

عبید اللہ علیم ؔ

http://urdu.goldenpoems.com/