138۔ مت بھٹکتا پھرا کرے کوئی

تبصرہ بھیجیں اگست 21, 2016اگست 21, 2016 151 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ215

مت بھٹکتا پھرا کرے کوئی

شہرِ دل میں رہا کرے کوئی

دین و دنیا کے غم غلط ہو جائیں

ہم کہیں اور سنا کرے کوئی

اب غمِ ہجر بھی گوارا ہے

اب نہ آئے خدا کرے کوئی

رسمِ آہ و بکا بھی عام ہوئی

اب نہ آہ و بکا کرے کوئی

کیوں غرض درمیان میں آئے

جب کسی سے وفا کرے کوئی

ایک گونہ عذاب ہے یہ بھی

دل دریچہ نہ وا کرے کوئی

اب تمھارا بھی انتظار نہیں

تم نہ آؤ تو کیا کرے کوئی

عشق کی رسم مٹ گئی مضطرؔ!

اب نہ ایسی خطا کرے کوئی

چوہدری محمد علی مضطرؔعارفی

http://urdu.goldenpoems.com/