230۔ اندر سے اگر نہ مسکراؤں

تبصرہ بھیجیں اگست 3, 2016اگست 3, 2016 222 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ342

اندر سے اگر نہ مسکراؤں

اس شور میں ٹوٹ پھوٹ جاؤں

اے حسنِ تمام! تیرے احساں

چاہوں بھی تو کس طرح بھلاؤں

نسبت ہے مجھے بھی اک حسیں سے

گمنام ہوں، نام کیا بتاؤں

مدّت سے ہوں منتظر صدا کا

تو بولے تو میں بھی گنگناؤں

تو آئے جو نور میں نہا کر

مَیں راہ میں جسم و جاں بچھاؤں

پلکوں میں سمیٹ لوں ستارے

آئینوں کو آئنہ دکھاؤں

تُو آ تو سہی، مَیں اس خوشی میں

جاں وار دوں، تن بدن لٹاؤں

اس چاند کی چاندنی میں مضطرـؔ!

اشکوں کے چراغ کیا جلاؤں

چوہدری محمد علی مضطرؔعارفی

http://urdu.goldenpoems.com/