253۔ رکنے کے بعد بھی مَیں برابر سفر میں تھا

تبصرہ بھیجیں جولائی 29, 2016جولائی 29, 2016 159 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ375

رکنے کے بعد بھی مَیں برابر سفر میں
تھا

اک مستقل جنون تھا جو میرے سر میں تھا

ملنے کو بے قرار تھے منزل سے راستے

ہر سنگِ میل معرضِ خوف و خطر میں تھا

بیٹھے تھے لوگ راستے میں بت بنے ہوئے

اک منجمد ہجوم تھا جو رہ گزر میں تھا

آبادیوں کو گھور رہی تھی بھنور کی آنکھ

ساحل کا احترام بھی اس کی نظر میں تھا

تالے پڑے ہوئے تھے پرانے مکان میں

یہ اور بات ہے کہ خدا اپنے گھر میں
تھا

مدّت کے بعد آیا تھا وہ شوخ راہ پر

لیکن ابھی چھپا ہؤا گردِ سفر میں تھا

ہم نے قبول کر لیا تھا اس کے عذر کو

چرچا ہماری سادگی کا شہر بھر میں تھا

لکھّا تھا اس نے یوں تو لہو سے کتاب
کو

مضطرؔ! جو اس کا حاشیہ تھا آبِ زر میں
تھا

چوہدری محمد علی مضطرؔعارفی

http://urdu.goldenpoems.com/