108۔ جانے کیا جی میں ٹھان بیٹھے ہیں

تبصرہ بھیجیں جولائی 27, 2016جولائی 27, 2016 161 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ175

جانے کیا جی میں ٹھان بیٹھے ہیں

تیری محفل میں آن بیٹھے ہیں

اس طرف بھی تو یک نظر دیکھو

ہم بھی اے مہربان! بیٹھے ہیں

اپنی مجبوریاں نہ گِنواؤ

ہم تو پہلے ہی مان بیٹھے ہیں

سب دلوں کو ٹٹول کر دیکھیں

جس قدر صاحبان بیٹھے ہیں

ہجر کا غم نہ وصل کی اُمّید

جان ہے نہ جہان، بیٹھے ہیں

ایک ہم ہیں جو تیری محفل میں

بے غرض،بے نشان بیٹھے ہیں

اِس طرف آگ، اُس طرف بھی آگ

اور ہم درمیان بیٹھے ہیں

اشک برسے تو اِس قدر برسے

ڈَھے گئے دل، مکان بیٹھے ہیں

دوست احباب ہی نہیں مضطرؔ!

اَور بھی بدگمان بیٹھے ہیں

چوہدری محمد علی مضطرؔعارفی

http://urdu.goldenpoems.com/