280۔ نظر کے لمس سے دامن نہیں بچائے گا

تبصرہ بھیجیں جولائی 24, 2016جولائی 24, 2016 215 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ414

نظر کے لمس سے دامن نہیں بچائے گا

وہ آگیا ہے تو اب لوٹ کر نہ جائے گا

یہی وفا کا تقاضا ہے، مصلحت ہے یہی

وہ باوفا ہے مجھے خود ہی بھول جائے
گا

زَباں پہ اس کی، حکومت ہے ایک سچّے
کی

جو بات اس نے سنی ہے وہی سنائے گا

تمام کھڑکیاں مشرق کی سمت کھلتی ہیں

کتاب کہتی ہے وہ اس طرف سے آئے گا

مری نحیف نگاہی کا علم ہے اس کو

وہ خوش لباس کبھی سامنے نہ آئے گا

کھلیں گے پھول محبت کے اس کے آنگن میں

وہ دیکھ دیکھ کے خوش ہو گا مسکرائے
گا

نہ جانے کیوں اسے مضطرؔ! یقیں نہیں
آتا

وہ کہہ رہا ہے مجھے پھر بھی آزمائے
گا

چوہدری محمد علی مضطرؔعارفی

http://urdu.goldenpoems.com/