352۔ اک حسیں پر جسم اور جاں وار کر

تبصرہ بھیجیں جولائی 9, 2016جولائی 9, 2016 201 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ517

اک حسیں پر جسم اور جاں وار کر

جیت لی تھی ہم نے بازی ہار کر

شاید آ جائیں وہ ملنے کے لیے

دار پر بیٹھے ہیں دھرنا مار کر

بول سکتا ہے تو بول اس حبس میں

کر سکے تو جرأتِ اظہار کر

جرم ہے گر اعترافِ عشق بھی

جرم کر اور بر سرِ دربار کر

کر کے دشمن کو تہِ دل سے معاف

پھر سے لَا
تَثْرِیْبَ کی تکرار کر

پیار کے عادی نہ ہو جائیں کہیں

ہم حقیروں سے نہ اتنا پیار کر

مَیں بھی پیاسا ہوں کسی کی دید کا

میرے اندر بھی ہے اک تھر پار کر

کون ّسچا اور جھوٹا کون ہے

فیصلہ خود ہی، بتِ عیّار! کر

کچھ نہیں تو ہم فقیروں کے خلاف

کوئی سازش ہی پسِ دیوار کر

تاب لائے گا کہاں سے دید کی

حدِّ فاصل کو نہ مضطرؔ! پار کر

٤دسمبر،١٩٩٥ء

چوہدری محمد علی مضطرؔعارفی

http://urdu.goldenpoems.com/