20۔ آقا ترے بغیر یہ گلشن اُداس ہے

1 تبصرے جون 23, 2016جون 23, 2016 343 مناظر 0 پسندیدہ 0 ناپسند

ہے
دراز دستِ دعا مرا صفحہ93۔94

آقا ترے بغیر یہ گلشن اداس ہے

ماحول ہی اداس ہے کہ مَن اداس ہے

فتنوں کی شورشوں سے نہیں مضطرب یہ دِل

ہاں آنکھ بے کئے ترا درشن اداس ہے

ہجر و فراقِ یار کا عالم نہ پوچھئے

آئینہ دل کا ، رُوح کا دَرپن اداس ہے

تیرے بغیر رونقِ بزمِ چمن نہیں

سَرووسمن اداس ہیں، سوسن اداس ہے

خورد و کلاں کے سینے ہیں صدیوں کا غم
لئے

پِیری فسردہ دل ہے تو بچپن اداس ہے

اہلِ وَفا کے جذبے ہیں یکسانیت لئے

ایواں ہو یا غریب کا مسکن اداس ہے

محروم دید سے مری آنکھیں ہیں اشکبار

لالے کا داغ دل میں ہے دھڑکن اداس ہے

اہلِ چمن پہ بار ہے خاموشیوں کا بوجھ

اے عندلیبِ خوش نوا گلشن اداس ہے

بستی کا اپنی حال نہ پوچھو کہ آج کل

محبوب کے فراق میں بِرہن اداس ہے

ہر ایک دل سے اُٹھتی ہے بس ایک ہی پُکار

” موسیٰ پلٹ کہ وادئ اَیمن اداس ہے
”

کلام صاحبزادی امۃالقدوس بیگم م صاحبہ سملہا اللہ

“20۔ آقا ترے بغیر یہ گلشن اُداس ہے” ایک تبصرہ

“20۔ آقا ترے بغیر یہ گلشن اُداس ہے” ایک تبصرہ