58۔ در پہ پڑے ہیں جب تک انعام ہو نہ جاوے

تبصرہ بھیجیں جون 14, 2016جون 14, 2016 213 مناظر 0 پسندیدہ 0 ناپسند

ہے
دراز دستِ دعا مرا صفحہ197۔198

در پہ پڑے ہیں جب تک انعام ہو نہ جاوے

تیری جناب سے کچھ اکرام ہو نہ جاوے

یہ دل کی بستیاں تو تجھ سے ہی سجتیاں
ہیں

اِس گھر میں وسوسوں کا بِسرام ہو نہ
جاوے

ہر بات تجھ سے کُھل کر مَیں اس لئے
کروں ہوں

تا درمیاں میں حائل ابہام ہو نہ جاوے

چاہو ہو تم رقیباں ہنس بول مَیں نہ
پاؤں

یہ آرزو تمہاری ناکام ہو نہ جاوے

ہر قول و فعل پر تو لگ ہی چکی ہے قدغن

اب سانس لینا بھی یاں الزام ہو نہ جاوے

کافر گری نے ایسا کچھ رُوپ ہے نکالا

تسلیم سے گریزاں اسلام ہو نہ جاوے

مجھ سانس کی تپش سے ظالم جُھلس رہا
ہے

ایسا بھی کوئی نازک اندام ہو نہ جاوے

ہم غیر کی جفائیں ہنس ہنس کے سہہ رہے
ہیں

تا سِلسِلہ وفا کا بدنام ہو نہ جاوے

اَے چارہ گر جو تیری نظرِ کرم ہو ایدھر

ممکن ہے کیسے پھر جو آرام ہو نہ جاوے

اے یارِ دلرُبا تُو ناراض ہو نہ ہم
سے

ہستی ہماری وقفِ آلام ہو نہ جاوے

دو چار دن کی فرصت مشکل سے جو ملی ہے

ڈر ہے کہ وہ بھی نذرِ اوہام ہو نہ جاوے

دامن پکڑ کے تیرا ۔کرتے رہیں گے زاری

تا وقتیکہ ہمارا ہر کام ہو نہ جاوے

ڈرتے گذر گئی ہے ، ڈرتے گذار دیں گے

جب تک بخیر اپنا انجام ہو نہ جاوے

کلام صاحبزادی امۃالقدوس بیگم م صاحبہ سملہا اللہ