55۔ تیرے لئے ہے آنکھ کوئی اشکبار دیکھ

تبصرہ بھیجیں مارچ 26, 2016مارچ 26, 2016 199 مناظر 0 پسندیدہ 0 ناپسند

کلام
طاہر ایڈیشن 2004صفحہ138۔139

کالج کے ابتدائی زمانہ کی ایک غزل جس کا پہلا شعر والدہ مرحومہ ؓ کی ایک تصویر
کا مرہون منت ہے۔

تیرے لئے ہے آنکھ کوئی اشکبار دیکھ

نظریں اٹھا خدا کے لئے ایک بار دیکھ

اور محو ِسیرِ دلکشی ء گل نظر اٹھا

گلشن میں حال ِزار و نزارِ ہزار دیکھ

اٹھی بس اِن سے ایک نوائے جگر خراش

ٹوٹے پڑے ہیں بربط ہستی کے تار دیکھ

تُو مجھ سے آج وعدہ ء ضبط الم نہ لے

ان آنسوؤں کا کوئی نہیں اعتبار دیکھ

بند شکیب توڑ کر آنسو برس پڑے

اپنوں پہ بھی نہیں ہے مجھے اختیار دیکھ

کانٹوں میں ہائے کیوں میری ہستی الجھ
گئی

وہ مجھ پہ کھلکھلا اٹھا ہے لالہ زار
دیکھ