7۔ غصہ میں بھرا ہوا خدا ہے

تبصرہ بھیجیں مارچ 22, 2016مارچ 22, 2016 269 مناظر 0 پسندیدہ 0 ناپسند

کلام
محمود صفحہ13۔14

7۔ غصہ میں بھرا ہوا خدا ہے

غصہ
میں بھرا ہوا خدا ہے

جاگو ابھی فرصتِ دعا ہے

تم کہتے ہو امن میں ہیں ہم ،اور

منہ کھولے ہوئے کھڑی بلا ہے

ڈرتی نہیں کچھ بھی تو خدا سے

اے قوم! یہ تجھ کو کیا ہوا ہے

مامور خدا سے دشمنی ہے

کیا اس کا ہی نام اتقا ہے

گمراہ ہوئے ہو باز آؤ

کیا عقل تمہاری کو ہوا ہے

موسیٰ ؑکے غلام تھے مسیحاؑ

ہاں ان سے ہمارا کام کیا ہے

اب رہبرِ راہ کوئے دلبر

واللہ غلامِ مصطفیٰ ہے

کس راہ سے ابن مریمؑ آئے

مدت ہوئی وہ تو مرچکا ہے

اب اور کا انتظار چھوڑو

آنا تھا جسے وہ تو آچکا ہے

جس کو کیا ہے خدا نے مامور

اس سے بھلا تم کو کیا گلہ ہے

کیوں بھولے ہو دوستو ادھر آؤ

اک مردِ خدا پکارتا ہے

باز آؤ شرارتوں سےاپنی

کچھ تم میں اگر بوئے وفا ہے

ورنہ ابھی غافلو تمہارے

آئے گا وہ آگے جو کیا ہے

تقدیر سے ہوچکا مقدر

قسمت میں تمھاری زلزلہ ہے

وہ دن کہ جب آئے گی مصیبت

آنکھوں میں ہماری گھومتاہے

حیرانی میں ایک دوسرے سے

اُس دن یہ کہے گا ہیں یہ کیا ہے؟

چکھیں گے مزا عذاب کا جب

جانیں گے کہ ہاں کوئی خدا ہے

پتھر بھی پکار کر کہیں گے

ان کافروں کی یہی سزا ہے

اے قوم خدا کے واسطے تُو

بتلا کہ جو تیرا مدعا ہے

حق نے جسے کردیا ہے مامور

تسلیم میں اس کی عذر کیا ہے

اللہ سے چاہو عفوِ تقصیر

دیتا ہے اسے جو مانگتا ہے

محمود خدائے لم یزل سے

ہر وقت یہی مری دعا ہے

اُس شخص کو شاد رکھے ہر دم

جو دین ِقویم پر فدا ہے

اور اس کو نکالے ظلمتوں سے

جو شرک میں کفر میں پھنسا ہے

اخبار بدر ۔ جلد 5۔20ستمبر1906ء

http://urdu.goldenpoems.com/

http://urgoldenpoems.blogspot.com/

https://www.facebook.com/urdu.goldenpoems/

7۔ غصہ میں بھرا ہوا خدا ہے

7۔ غصہ میں بھرا ہوا خدا ہے

اپنا تبصرہ بھیجیں جواب منسوخ کریں

آپکا ای میل ایڈریس شائع نہیں کیا جائے گا