28۔ آؤ محمود ذرا حال پریشاں کردیں

تبصرہ بھیجیں مارچ 19, 2016مارچ 19, 2016 253 مناظر 0 پسندیدہ 0 ناپسند

کلام
محمود صفحہ53

آؤ محمود ذرا حال پریشاں کردیں

اور اس پردے میں دشمن کو پشیماں کردیں

خنجرِ ناز پہ ہم جان کو قرباں کردیں

اور لوگوں کے لئے راستہ آساں کردیں

کھینچ کر پردہ رخ ِیار کو عریاں کردیں

وہ ہمیں کرتے ہیں ہم ان کو پریشاں کردیں

وہ کہیں ہم کہ گداگر کو سلیماں کردیں

وہ کریں کام کہ شیطاں کو مسلماں کردیں

پہلے ان آرزوؤں کا کوئی ساماں کردیں

دل میں پھر اس شہ خوباں کو مہماں کردیں

ایک ہی وقت میں چھپتے نہیں سورج اور
چاند

یا تو رخسار کو یا اَبرو کو عریاں کردیں

آج بے طرح چڑھی آتی ہے لعلِ لب پر

ان کو کہدو کہ وہ زلفوں کو پریشاں کردیں

آدمی ہوکے تڑپتا ہوں چکوروں کی طرح

کبھی بے پردہ اگر وہ رخِ تاباں کردیں

اک دفعہ دیکھ چکے موسیٰ ؑتو پردہ کیسا

ان سے کہدو کہ وہ اب چہرہ کو عریاں
کردیں

دل میں آتا ہے کہ دل بیچ دیں دلدار
کے ہاتھ

اور پھر جان کو ہم ہدیۂ جاناں کردیں

وہ کریں دم کہ مسیؑحا کو بھی حیرت ہوجائے

شیرِ قالیں کو بھی ہم شیر ِِنیستاں
کردیں

اخبار بدر جلد 8۔ 29 اپریل 1909ء

http://urdu.goldenpoems.com/