80۔ پہنچائیں در پہ یار کے وہ بال و پَر کہاں

تبصرہ بھیجیں مارچ 10, 2016مارچ 10, 2016 206 مناظر 0 پسندیدہ 0 ناپسند

کلام
محمود صفحہ132۔133

پہنچائیں در پہ یار کے وہ بال و پَر
کہاں

دیکھیں جمال ِیار جو ایسی نظر کہاں

کر دے رسا دُعا کو مِری وہ اثر کہاں

دھو دے جو سب گُنہ مرے وہ چشمِ تَر
کہاں

ہر شب اِسی امید میں سوتا ہوں دوستو!

شاید ہو وصلِ یار میسّر ،مگر کہاں

سجدہ کا اِذن دے کے مجھے تاجور کیا

پاؤں تِرے کہاں مرا نا چیز سَر کہاں

میری طرح ہر اِک ہے یہاں مُبتلائے عشق

حیران ہوں کہ ڈھونڈوں میں اب نامہ بَر
کہاں

از بس کہ انفعال سے دِل آب آب تھا

آنکھوں سے بہہ گیا مرِانورِ نظر کہاں

فرقت میں تیری ہر جگہ ویرانہ بن گئی

اَب زندگی کے دِن یہ کروں میں بسر کہاں

ہر لحظہ انتظار ہے ہر لحظہ جُستجو

رہتا ہے اب تو منہ پہ مرے بس کدھر کہاں

جب نقدِ جان سونپ دیا تُجھ کو جانِ
من

پاس آسکے بھلا مرے خوف و خطر کہاں

کُچھ بھی خبر نہیں کہ کہاں ہوں کہاں
نہیں

جب جان کی خبر نہیں تن کی خبر کہاں

حیران ہوں کہ دِن کسے کہتے ہیں دوستو!

سُورج ہی جب طلوع نہ ہو تو سحر کہاں

عاشق کے آنسوؤں کی ذرا آب دیکھ لیں

ہیرے کہاں ہیں لعل کہاں ہیں گہر کہاں

درد آشنائیِ غمِ ہجراں میں مَیں کہاں

فرقت نصیب مادرو فاقِد پِدر کہاں

اے دل اُسی کے درپہ اب جا کے بیٹھ جا

مارا پِھروں گا ساتھ تِرے در بدر کہاں

تیری نِگاہِ لُطف اُتارے گی مُجھ کو
پار

کہتے ہیں مُجھ سے عشق کے یہ بحر و بَر
کہاں

ہچکولے کھا رہی ہے مری ناؤ دیر سے

دیکھوں کہ پھینکتی ہے قضا و قدر کہاں

دیکھو کہ دِل نے ڈالی ہے جا کے کہاں
کمند

کُودا تو ہے یہ بحرِ محبت میں پر کہاں

ممکن کہاں کہ غیر کرے مجھ سے ہمسری

وہ دِل کہاں وہ گُردے کہاںوہ جِگر کہاں

اخبار الفضل جلد 14 ۔ 19اکتوبر1926ء

http://urdu.goldenpoems.com/