220۔ نذرِ آتشؔ بصد ادب

تبصرہ بھیجیں اگست 5, 2016اگست 5, 2016 140 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ327۔328

در کھٹکھٹا رہا ہے قفس کا زمانہ کیا

آہٹ کا جو اسیر تھا وہ بھی نہ مانا
کیا

پتّا کوئی ہِلا تو پرندہ لرز گیا

شاخِ نہالِ غم پہ کِیا آشیانہ کیا

مجھ کو یہ ڈر ہے تُو کہیں ناراض ہو
نہ جائے

ان کو یہ خوف ہے کہ کہے گا زمانہ کیا

اب ڈھونڈتے پھرو ہو عبث اپنے آپ کو

آئے تھے شہرِ ذات میں تم فاتحانہ کیا

جینا اگر محال تھا اس اژدہام میں

مرنے کا بھی نہ مل سکا تم کو بہانہ
کیا

عہدِ غمِ فراق کی جنگِ عظیم میں

دل بھی لڑے گا عقل کے شانہ بشانہ کیا

فتووں کے لین دین پہ قدغن نہیں رہی

حل ہو گیا یہ مسئلہ بھی تاجرانہ کیا

جس کے نصیب میں ہو ”کھلے شہر”کی صلیب

اس خوش نصیب کی ہو خوشی کا ٹھکانہ کیا

اس کو کرو کمال اتاترک کے سپرد

مُلاّ کو آزمانے کے بعد آزمانا کیا

اک زلزلہ سا آ گیا ایوانِ اشک میں

مضطرؔ پہ مہرباں ہؤا دشمن پرانا کیا

چوہدری محمد علی مضطرؔعارفی

http://urdu.goldenpoems.com/