57۔ اس کو اتنا نہ آزمانا تھا

تبصرہ بھیجیں ستمبر 6, 2016ستمبر 6, 2016 146 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ92

اس کو اتنا نہ آزمانا تھا

وہ حقیقت نہیں فسانہ تھا

شہرِ مسحور کے مسافر کا

ٹھور تھا نہ کوئی ٹھکانہ تھا

ترجمے اس کے چھپ چکے تھے کئی

دل کا قصّہ بہت پرانا تھا

عہد کو نیند آ گئی تھی اگر

جھنجھوڑنا تھا اسے جگانا تھا

سب مسافر تھے اپنے اندر کے

جو تھا اپنی طرف روانہ تھا

تو نے واعظ سے دوستی کر لی

ورنہ تو اس قدر برا نہ تھا

آنکھ کے اجنبی پرندے کو

منہ اندھیرے ہی لوٹ جانا تھا

ایک دو روز کی یہ بات نہ تھی

عمر بھر اس کو مسکرانا تھا

کیوں اکیلے الجھ گئے خود سے

تم نے مضطرؔ! ہمیں بتانا تھا

چوہدری محمد علی مضطرؔعارفی

http://urdu.goldenpoems.com/