357۔ نذرِ غالبؔ

تبصرہ بھیجیں جولائی 8, 2016جولائی 8, 2016 164 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ524

محفل کا دل اداس ہے، ساقی خموش ہے

ایسے میں کس کو پینے پلانے کا ہوش ہے

نرگس کی آنکھ بیچتی ہے آرزو کے پھول

یہ خود فروش بھی بڑی لذّت فروش ہے

کس بے ادب نے دستِ تمنّا کِیا دراز

بزمِ طلب میں غلغلۂ پوش پوش ہے

جوشِ طلب سے سینۂ گل میں لگی ہے آگ

گلچیں سمجھ رہا ہے چمن سرخ پوش ہے

آبِ حیات، شبنم و گل سے لدی ہوئی

ہر شاخ مے بجام ہے، مینا بدوش ہے

یہ میرے بس کی بات ہے نہ تیرے بس کی
بات

مَیں گر خطا شعار ہوں، تو عیب پوش ہے

اپنے وطن میں لڑتا جھگڑتا تھا رات دن

مضطرؔ دیارِ غیر میں کتنا خموش ہے

چوہدری محمد علی مضطرؔعارفی

http://urdu.goldenpoems.com/