308۔ عشق کا جرم مرے نام لگایا جائے

تبصرہ بھیجیں جولائی 18, 2016جولائی 18, 2016 143 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ457

عشق
کا جرم مرے نام لگایا جائے

شرط
یہ ہے کہ سرِ عام لگایا جائے

کافرِ
شہر ہوں، کافی ہے یہ عزّت مجھ کو

مجھ
پہ اب اور نہ الزام لگایا جائے

اپنی
تعریف میں اچھی سی عبارت لکھ کر

کوئی
پتھر ہی سرِ بام لگایا جائے

دلِ
ناداں کا تقاضا ہے کہ گاہے ماہے

اس
کے ذمّے بھی کوئی کام لگایا جائے

کہیں
ایسا نہ ہو تم کو بھی یقیں آ جائے

اب
یہ نعرہ نہ سرِ عام لگایا جائے

مصلحت
کا یہ تقاضا ہے کہ دشت ِ جاں میں

کوئی
خیمہ نہ سرِ شام لگایا جائے

اب
تو انجام نظر آنے لگا ہے اس کو

اب
نہ اندازۂ انجام لگایا جائے

مَیں
اگر عہد کا سقراط نہیں ہوں مضطرؔ!

میرے
ہونٹوں سے نہ یہ جام لگایا جائے

چوہدری محمد علی مضطرؔعارفی

http://urdu.goldenpoems.com/