14۔ ہجومِ رنگ سے گھبرا گئی ہے

تبصرہ بھیجیں ستمبر 15, 2016ستمبر 15, 2016 122 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ24

ہجومِ رنگ سے گھبرا گئی ہے

صبا گلشن سے باہر آ گئی ہے

بھنور سے پڑ گئے خاموشیوں میں

صداؤں سے صدا ٹکرا گئی ہے

غمِ دوراں کے دھندلے غمکدوں میں

تری تصویر بھی دھندلا گئی ہے

ستاروں کے کنارے گِھس گئے ہیں

اُجالوں کی نظر پتھرا گئی ہے

گوالے رک گئے ہیں راستوں میں

یہ کس سے روٹھ کر رادھا گئی ہے

غریبِ شہر نے کس کو پکارا

بڑی گہری خموشی چھا گئی ہے

تمنّا کی پری سپنے میں مضطرؔ!

سہاروں کی جبیں سہلا گئی ہے

چوہدری محمد علی مضطرؔعارفی

http://urdu.goldenpoems.com/