37۔ بات سنتے نہ بات کرتے ہو

تبصرہ بھیجیں ستمبر 10, 2016ستمبر 10, 2016 159 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ55

بات سنتے نہ بات کرتے ہو

کس قدر احتیاط کرتے ہو

سچ کہو! انتظار کس کا ہے

صبح کرتے نہ رات کرتے ہو

عقل کے بھی ہو زر خرید غلام

عشق بھی ساتھ ساتھ کرتے ہو

ہاتھ جاناں کے ہاتھ میں دے کر

کیوں غمِ پُل صراط کرتے ہو

چاہتے کیا ہو؟ کھل کے بات کرو

کیوں اشاروں میں بات کرتے ہو

اب وہ پہلی سی نوک جھونک نہیں

اب نہ وہ التفات کرتے ہو

پہلے اس کا جواز ڈھونڈتے ہو

پھر کوئی واردات کرتے ہو

جب بھی کرتے ہو قتل مضطرؔ کا

سرِ نہرِ فرات کرتے ہو

چوہدری محمد علی مضطرؔعارفی

http://urdu.goldenpoems.com/