86۔ خدمت کے مقام پر کھڑا ہوں

تبصرہ بھیجیں اگست 31, 2016اگست 31, 2016 116 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ149

خدمت کے مقام پر کھڑا ہوں

چھوٹا ہوں مگر بہت بڑا ہوں

تیری ہی نہیں تلاش مجھ کو

خود کو بھی تلاش کر رہا ہوں

منسوخ نہ ہو سکوں گا ہرگز

قدرت کا اٹوٹ فیصلہ ہوں

ایسا نہ ہو ٹوٹ پھوٹ جاؤں

آئینہ ترے وجود کا ہوں

مالک ہے تُو میرے جسم و جاں کا

چاہوں نہ تجھے تو کس کو چاہوں

بولوں تو ہوں عہد کی علامت

خاموش رہوں تو معجزہ ہوں

جس شوخ کی بات کر رہے ہو

اس کو تو ازل سے جانتا ہوں

وہ میرے وجود کا مخالف

میں اس کے بھلے کی سوچتا ہوں

طوفاں کو بھی ہو چلا ہے احساس

ساحل کے قریب آ گیا ہوں

منزل ہوں تو معتبر ہوں مضطرؔ!

رستہ ہوں تو سیدھا راستہ ہوں

چوہدری محمد علی مضطرؔعارفی

http://urdu.goldenpoems.com/