351۔ وصفِ جمالِ یار پر ختم ہے میری شاعری

تبصرہ بھیجیں جولائی 9, 2016جولائی 9, 2016 249 مناظر 0 پسندیدہ 0 ناپسند

اشکوں
کے چراغ ایڈیشن 2011 صفحہ516

وصفِ جمالِ یار پر ختم ہے میری شاعری

اللّٰہ کرے کہ حسن کی کھیتی رہے ہری
بھری

شعلہ بغیر سوز کے شعلہ نہیں ہے، رنگ
ہے

درد بغیر شاعری کیا ہے سِوائے دل لگی

منزلِ شوق کے قریب درد کا مارا سو گیا

گردِ سفر میں چھپ گئی منزلِ دل کی دلکشی

جب بھی دیارِعشق میں ہوش کی بستیاں
بسیں

درد کے شہر اجڑ گئے، غم کی بساط الٹ
گئی

تیرے جمال کی حدیں گردِ نظر میں کھو
گئیں

گردِ نظر کا واسطہ رُخ بھی دکھا کبھی
کبھی

اُٹھّی، گھری، برس گئی تیرے جمال کی
گھٹا

دل کا غبار دُھل گیا، تھم گیا شورِ
آگہی

ہوش کی دُھند چھا گئی ذہن کے آسمان
پر

تارے غروب ہوگئے، چاند رہا نہ چاندنی

مضطرِؔ بے قرار سے کہہ دو کہ شورمت
کرے

دردِ جگر کا تذکرہ اچھا نہیں گھڑی گھڑی

١٩٤٤ء

چوہدری محمد علی مضطرؔعارفی

http://urdu.goldenpoems.com/