99۔ اَنا کو مارنے کا جب ارادہ کر لیا میں نے

تبصرہ بھیجیں جون 4, 2016جون 4, 2016 162 مناظر 0 پسندیدہ 0 ناپسند

ہے
دراز دستِ دعا مرا صفحہ292۔293

اَنا کو مارنے کا جب ارادہ کر لیا میں
نے

تو فہم ذات کو صیقل زیادہ کر لیا میں
نے

کسی کی تنگ نظری نے مجھے یہ فیض پہنچایا

کہ اوروں کیلئے دل کو کشادہ کر لیا
میں نے

وفا کا لفظ ان کے لب سے کچھ ِاس شان
سے نکلا

کہ حرزِ جان پھر یہ حرف سادا کر لیا
میں نے

میری نادانیاں کہ بے نیازی دیکھ کر
اُس کی

بتوں کو اپنے دل میں ایستادہ کر لیا
میں نے

جھکاؤ دیکھ کر دنیا کی جانب سب یہی
سمجھے

قطع اُن سے تعلق ہی مبادا کر لیا میں
نے

تغافل لاکھ وہ برتے نہ یہ دہلیز چھوٹے
گی

بس اپنے آپ سے یہ اب تو وعدہ کر لیا
میں نے

شرابِ درد کی لذت بھی کیا ہے جب نشہ
ٹوٹا

تو پھر سے اہتمامِ جام و بادہ کر لیا
میں نے

اُتر آئے ہیں جب بھی زندگی میں میری
سناٹے

تو پھر عہدِ محبت کا اعادہ کر لیا میں
نے

”اگر آسانیاں ہوں زندگی دشوار
ہو جائے”

یہی سب سوچ کے آسان جادہ کر لیا میں
نے

کبھی خود کو سنبھالا کھا کے ٹھوکر تو
کبھی لوگو!

تمہاری لغزشوں سے استفادہ کر لیا میں
نے

جگر کے خون کے دھارے مری آنکھوں سے
بہہ نکلے

لہو سے اپنے ہی رنگیں لبادہ کر لیا
میں نے

کلام صاحبزادی امۃالقدوس بیگم م
صاحبہ سملہا اللہ